Քարտային զեղծարարությունների մոնիթորինգի գիշերային հերթափոխի մասնագետ
Աշխատանքի նկարագրություն
Իրականացնել բանկի կողմից թողարկված վճարային քարտերով և սպասարկման կետերում կատարվող գործարքների մշտադիտարկում և վերլուծություն՝ զեղծարարությունների կանխարգելման, ռիսկային գործարքների բացահայտման և հաճախորդների միջոցների անվտանգության ապահովման նպատակով։ Անհրաժեշտության դեպքում կատարել քարտերի բլոկավորում/ապաբլոկավորում և կապ հաստատել քարտապանների հետ՝ գործարքների իսկությունը ճշտելու նպատակով։
Աշխատանքային պարտականություններ
- SmartVista համակարգի միջոցով իրական ժամանակում իրականացնել բանկի կողմից թողարկված քարտերով կատարվող գործարքների մոնիթորինգ
- Իրականացնել բանկի կողմից սպասարկվող տերմինալների միջոցով կատարված գործարքների ամենօրյա մշտադիտարկում՝ զեղծարարությունների կանխարգելման նպատակով
- Ուսումնասիրել և վերլուծել վճարահաշվարկային համակարգերից ստացված տեղեկատվությունը՝ ռիսկային գործարքների և հնարավոր զեղծարարությունների բացահայտման նպատակով
- Կապ հաստատել քարտապանների հետ, իրականացնել հարցումներ և ճշտումներ՝ գործարքների իսկությունը հաստատելու համար
- Անհրաժեշտության դեպքում իրականացնել քարտերի բլոկավորում և ապաբլոկավորում՝ սահմանված ընթացակարգերի համաձայն
- Վարել և ներկայացնել ամենօրյա հաշվետվություններ
- Կատարել անմիջական ղեկավարի կողմից տրված այլ հանձնարարություններ։
Անհրաժեշտ պահանջներ
- Բարձրագույն կրթություն
- Վճարային քարտերով գործառնությունների, քարտային զեղծարարությունների կանխարգելման և մոնիթորինգի ոլորտում գիտելիքները և փորձը կդիտվեն որպես առավելություն
- MS Office փաթեթի գերազանց իմացություն
- ՀԾ-Բանկ ծրագրի իմացությունը կդիտվի որպես առավելություն
- Անգլերեն և ռուսերեն լեզուների լավ իմացություն
- Գիշերային հերթափոխով աշխատելու պատրաստակամություն
- Վերլուծական մտածողություն և խնդիրների լուծման հմտություններ
- Ժամանակի արդյունավետ կառավարման ունակություն
- Պատասխանատվության բարձր զգացում և մանրուքների նկատմամբ ուշադրություն
- Թիմային աշխատանքի և հաղորդակցման լավ հմտություններ
Tell your friends