Աշխատանքի պարտականություններ

• Մասնակցել ընկերության կորպորատիվ անվտանգության համակարգում միասնական քաղաքականության մշակմանը և կիրառման ապահովմանը

• Ապահովել և վարել համագործակցությունն ու փաստաթղթաշրջանառությունը պետական կառավարման և տեղական ինքնակառավարման մարմինների, ՀՀ դատարանների, ՀՀ դատախազության, ՀՀ քննչական և հակակոռուպցիոն կոմիտեների, ՀՀ ՆԳ նախարարության, ՀՀ ազգային անվտանգության ծառայության, ինչպես նաև ՀՀ և միջազգային (անկախ վարչակազմակերպական կառուցվածքի) կազմակերպությունների հետ

• Իրականացնել տեղեկատվական անվտանգության վերահսկողություն, ինչպես նաև տեղեկատվական անվտանգության ընթացակարգերի և կանոնակարգերի կատարելագործում

• Մշակել նախագծեր և ներկայացնել առաջարկություններ անվտանգության կանոնակարգի, գործառույթների և ընթացակարգերի կատարելագործման նպատակով

• Ապահովել ընկերության աշխատակիցների, հաճախորդների և բաժանորդների անձնական տվյալների պաշտպանությունը

• Վերահսկել փաստաթղթաշրջանառության ընթացքում տեղեկատվության փոխանակման գործընթացը և նոր պրոդուկտներին վերաբերելի տեղեկությունների արտահոսքը

• Հայտնաբերել գաղտնի տեղեկությունների հնարավոր արտահոսքի աղբյուրները և մշակել համապատասխան միջոցներ դրանց վերացման ուղղությամբ

• Իրականացնել և հաշվառել ստուգումներ ու ուսումնասիրություններ գաղտնի տեղեկությունների հրապարակման, նման տեղեկություններ պարունակող փաստաթղթերի կորստի և այլ փաստերով, ինչպես նաև ներկայացնել առաջարկներ ծառայողական քննություն իրականացնելու անհրաժեշտության վերաբերյալ

• Իրականացնել այլ ուսումնասիրություններ, ստուգումներ և մասնակցել ծառայողական քննություններին վարչության ղեկավարի հանձնարարությամբ

• Մասնակցել և օժանդակել ներքին խարդախությունների (ֆրոդ), գաղտնիք պարունակող տեղեկությունների արտահոսքի, կոռուպցիայի և այլ չարաշահումների դիմագրավման ու հակազդեցության վերահսկողության գործընթացներին

• Վերահսկել ընկերության բիլինգային, գաղտնի և անձնական տվյալներ պարունակող այլ համակարգերին հասանելիություն ունեցող աշխատակիցների մուտքերի հիմքերը և դրանց բացակայության դեպքում ձեռնարկել համապատասխան քայլեր

• Ստուգել և վերահսկել ընկերության ստորաբաժանումների կողմից բաժանորդների հեռախոսազանգերի վերծանումների բացման և տրամադրման ընթացակարգերի պահպանումը, հիմքերը, բիլինգային ծրագրերում համապասխան փաստաթղթերի առկայությունը, իսկ խախտումներ հայտնաբերելու դեպքում ձեռնարկել գործուն (նաև կանխարգելիչ) միջոցներ

• Վերլուծել աշխատակիցների վերաբերյալ բաժանորդների կողմից ստացված բողոքները (անձնական տվյալների տրամադրում, արտահոսք և այլն) և ձեռնարկել անհրաժեշտ միջոցներ

• Վերլուծել խնդրահարույց գործարքներով (ստորագրության կեղծում, անձը հաստատող փաստաթղթի անհամապատասխանություն և այլն) բողոքները

• Կազմակերպել և դասավանդել դասընթացներ համապատասխան ստորաբաժանումների հետ համատեղ՝ «Անձնական տվյալների պաշտպանություն և տեղեկատվական անվտանգություն» թեմայով

• Ապահովել գործառույթային խնդիրների կատարման շրջանակում փոխգործակցություն ընկերության այլ ստորաբաժանումների հետ

• Մասնակցել ընկերության տարբեր հանձնաժողովների աշխատանքներին

• Պատրաստել, հաշվառել և վերլուծել պարբերական հաշվետվություններ կատարված աշխատանքների (այդ թվում՝ բաժնի կատարած աշխատանքի) վերաբերյալ

Պահանջվող որակավորումներ և հմտություններ

• Բարձրագույն կրթություն (ցանկալի է իրավագիտության, տեղեկատվական անվտանգության կամ հարակից այլ ոլորտներում)

• Անվտանգության համակարգում, տեղեկատվության պաշտպանության կամ պետական իրավապահ մարմինների հետ փոխգործակցության ոլորտում աշխատանքային փորձը պարտադիր է

• Անձնական տվյալների պաշտպանության, գաղտնի տեղեկատվության շրջանառության և համապատասխան իրավական կարգավորումների գերազանց իմացություն

• Համակարգչային հիմնական ծրագրերի և տվյալների պաշտպանության հարթակների հետ աշխատելու ունակություն

• Բարձր պատասխանատվություն, սկզբունքայնություն և կոնֆիդենցիալության կանոնների անվերապահ պահպանում

• Վերլուծական ու հետաքննական մտածողություն, խարդախությունների և ռիսկերի բացահայտման ունակություն

• Պետական մարմինների հետ գրագետ փաստաթղթաշրջանառություն և բանակցություններ վարելու հմտություն

• Կոնֆլիկտների կառավարման և դժվարին իրավիճակներում արագ կողմնորոշվելու կարողություն